Liewe LMCP, ons 2de tuiste! Baie geluk met jou 20ste verjaardag!

Dit was onvergeetlik om die dag met ons direkteure, stigters-onderwysers, vorige skoolhoofde, ‘n heerlike koek én geheimsinnige, splinternuwe gelukbringer te gedenk!

Voeg daarby roomys, piekniek en atletiek-opwinding, en ons het sowaar hierdie mylpaal-verjaardag met ‘n propvol pretdag gevier!

#lmcpforlife #lmcptrots #lmcpnextlevel

20 years strong liedjie – https://www.youtube.com/watch?v=iwyhPUKN0h8

Geskiedenis

Laerskool Midstream College Primary was die droom van die Bondev Groep, die ontwikkelaars van Midstream Estates. Die direkteure Johan van Wyk, Jan Zeederberg, Riaan Botma en Chris Smith het die skool in Januarie 2006 geopen.

Met gehalte onderwys en ontwikkelingsbehoeftes as uitgangspunt, is daar besluit dat die skool se leuse die Latynse woord Excellentia sal wees. Excellentia beteken voortreflikheid. Die skoolwapen is ʼn kombinasie van bakens in die gebied waar Midstream geleë is: die brûe oor die stroom, die Hoëveldse riwwe en die torings by die ingang van Midstream.

Na vele beraadslaging is daar besluit dat die College ʼn parallelmediuminstelling sou wees. Laerskool Midstream College Primary is amptelik op 17 Januarie 2006 met Vernon Harmse as die hoof geopen. Daar was oorspronklik 21 onderwysers en 370 leerders van graad 1 tot graad 7.

Laerskool Midstream College se skoollied is deur ons baie talentvolle destydse musiekonderwyser, Antoinette Holford, geskryf en gekomponeer. Die skoolsaal is amptelik op 19 Januarie 2007 geopen en die Bondev-paviljoen is amptelik in November 2007 geopen.

Midstream-Skole bestaan tans uit Laerskool Midstream College Primary, Laerskool Midstream Ridge Primary en Midstream College Hoërskool.

• Volle universiteitstoelating (B-graadstudies): 99,1% (IEB: 89,31%)

• 728 onderskeidings (3,4 per kandidaat)

• Algehele groepgemiddeld: 76,6%

IEB uitstaande prestasie (prestasie in die top 5% van alle IEB-leerders in 6 of meer vakke):

Karla Alberts, Wihan Cilliers, Alex Kock, Rozelle Laubscher, Claré Nieuwoudt, Caroline Pattison, Cara-Renette Ponting, Julia Potgieter en Danielle Rossouw.

IEB prysenswaardige prestasie (prestasie in die top 5% van alle IEB-leerders in 5 of meer vakke):

Alex Campbell, Keira Govender, Dian Jansen van Rensburg en Janco van Heerden.

Leerders in die Top 1% van alle IEB-kandidate per vak:

Cara-Renette Ponting: REK, Afr HT, Eng FAL, LO, LWT, Wisk, FSM, FWT, TOE

Karla Alberts: Afr EAT, BS, TOE

Wihan Cilliers: Afr HT, Eng FAL, FWT

Alex Kock: Afr EAT, LWT, TOE

Rozelle Laubscher: Afr EAT, RTT, LWT

Julia Potgieter: Afr EAT, LO, TOE

Danielle Rossouw: Eng FAL, Wisk, TOE

Alex Campbell: RTT, IGO

Laiken Derksen: Afr EAT, BS

Keira Govender: RTT, LO

Janco van Heerden: Afr HT, TOE

Stephan Venter: IGO, Wisk

Gabriella Wiggill: Afr EAT, TOE

Zané Boonzaaier: TOE

Ciàna Chetty: LO

Isabelle Dekker: Vis Kunste

Robért Ford: IGO

Jeani Fouché: Afr EAT

Alex Grobler: Afr EAT

Kaitlyn Jacobs: IGO

Dian Jansen van Rensburg: Afr EAT

Irene Jordaan: Afr HT

Bianca Joubert: Afr EAT

Hugo Kotzee: Afr EAT

Claré Nieuwoudt: TOE

Halyn Mackays: IGO

Lea Manikas: Afr EAT

Caroline Pattison: Eng HL

Fransiska Rall: Eng FAL

Jahred Smit: IGO

Karla Storm: Afr EAT

Jennica van der Merwe: Afr EAT

Ruan van Tonder: Afr EAT

Annebel Viljoen: Afr EAT

Zabine von Westernhagen: Afr EAT

KANDIDATE MET SEWE EN MEER ONDERSKEIDINGS

11 A’s

1. Ruan van Tonder

10 A’s

1. Karla Alberts
2. Wihan Cilliers
3. Dian Jansen van Rensburg
4. Irene Jordaan
5. Anika le Roux
6. Cara-Renette Ponting
7. Julia Potgieter

9 A’s

1. Kyran Nair
2. Claré Nieuwoudt
3. Janco Schoeman
4. Phoebe Wang

8 A’s

1. Zané Boonzaaier
2. Alex Campbell
3. Kristen Knoetze
4. Alex Kock
5. Rozelle Laubscher
6. Reabetswe Machogo
7. Sedibana Ngoasheng
8. Danielle Rossouw
9. Jahred Smit
10. Janco van Heerden
11. Stephan Venter
12. Gabriella Wiggill

7 A’s

1. Mieke Combrinck
2. Isabelle Dekker
3. Jeani Fouché
4. Danyel Goatley
5. Keira Govender
6. Kaitlyn Jacobs
7. Luca Jankovic
8. Yuofeng Jia
9. Bianca Joubert
10. Jaco Kriel
11. Lea Manikas
12. Lathitha Morathi
13. Caroline Pattison
14. Rishi Sita
15. Jennica van der Merwe
16. Annebel Viljoen

Saterdag 10 Mei 2025 sal onthou word as ’n dag van pure opwinding, pret en passie toe ’n rekordskare van Bulletjie-rugbyspelers saamgedrom het vir niks minder nie as die grootste Bulletjie Rugbyfees in Afrika!

Die Everest Wealth Blou Bulle Bulletjiefes, aangebied deur Laerskool Midstream Ridge Primary in samewerking met die Blou Bulle Laerskole Rugbyvereniging, het hierdie jaar letterlik gebars van energie met 4,394 spelers van 48 skole regoor Gauteng. Op die dag het 426 spanne o/6, o/7 en o/8 spanmaatsjies mekaar op die veld ontmoet in 850 aksiebelaaide wedstryde – ’n ware rugby-reënboog van jong talent en vasberadenheid!

“Wat hierdie jaar se fees só uniek gemaak het,” sê Riaan Langenhoven, voorsitter van die Blou Bulle Laerskole Rugbyvereniging én adjunkhoof sport by Midstream Ridge, “was die sigbare groei in bulletjie rugby. Die gees tussen die spanne, die passie van die jong spelers en hul onblusbare liefde vir die spel was eenvoudig ongelooflik om te beleef.”

Maar dis nie net op die veld waar die pret was nie – die fees was ’n ware gesinsavontuur! Kinders het hulself gate uit geniet op springkastele, en oud en jonk het gestaan in bewondering vir die legendariese trofeë wat ten toon gestel is – die Super Rugby Unlocked-trofee van 2020 en die Super 14 Rugby-trofee van 2010. Wie weet – dalk het een van ons bulletjies, terwyl hy vir ’n foto glimlag, reeds die hart van ’n toekomstige Springbok geklop!

“Hierdie dag sou nie moontlik gewees het sonder ons ongelooflike borge nie,” sluit Langenhoven af. “’n Reuseskuld van dank aan Everest Wealth, Midstream Spar, Chery (Auto investments), Main Events, Dairymaid, Quellé Crisis on Call en elke ander borg wat gehelp het om hierdie geskiedkundige dag waar te maak. Julle het werklik ’n verskil gemaak in die lewe van elke een van die 4,381 bulletjies wat deel was van hierdie onvergeetlike dag!”

[Bron: https://afrikaans100.org/skoleprojek/]

Afrikaans 100 moes gevier word! En dit is presies wat die Midstream-skole (Midstream College Hoërskool, Laerskool Midstream College Primary en Laerskool Midstream Ridge Primary) gedoen het deur saam te span en moedertaal- en addisioneletaalsprekers in al die grade die geleentheid te gee om sáám, “Ons Afrikaans, ons Afrikataal” te vier.

In die Midstream-skole maak dit nie saak hoe jóú Afrikaans klink nie. Wat ons wel almal in gemeen het, is dat Afrikaans ons harte warm laat klop. Daarom het ons skool die “diverse-Afrikaans-kombersprojek” aangepak.

232.5 meter materiaal (teal en maroen – die skool se kleure) is aangekoop en opgesny om 155 komberse te maak. Al die Afrikaanse klasse het die geleentheid gekry om volgens hul eie unieke temas – o.a. idiome, nuutskeppings, gunsteling- of lekker Afrikaanse woorde – op ’n kreatiewe wyse op die komberse te verf. Daar was heerlike spanwerk, kreatiwiteit en pret, en almal het lekker na Afrikaanse musiek geluister tydens die maak van die komberse.

Iets wat Midstream College baie na aan die hart lê, is die skool se uitreikprojekte en om aan die gemeenskap te kan teruggee. Daarom was die idee met die diverse-Afrikaans-kombersprojek nie nét om Afrikaans 100 op ‘n unieke wyse te vier nie, maar ook om ná die groot feesvieringe die komberse aan ons terreindienspersoneel te skenk.

Op Donderdag 8 Mei het al drie Midstream-skole (bykans 3 000 leerders) gedurende pouse op die Bondev-paviljoen bymekaar gekom waar die 155 komberse op die veld uitgepak is met “AFRIKAANS 100” in die middel van die veld. Die skool het ook die voorreg gehad om op dié geskiedkundige dag die bekende Kurt Darren as gasspreker en kunstenaar by die skool te hê.

Die Midstream-skole (Midstream College Hoërskool, Laerskool Midstream College Primary en Laerskool Midstream Ridge Primary) is parallelmedium, onafhanklike privaat skole wat Christelike waardes en hoë standaarde handhaaf, met topgehalte onderwysers en moderne fasiliteite.

Die skole bied ’n gebalanseerde leerervaring met ’n wye verskeidenheid buitemuurse aktiwiteite, insluitend internasionale uitruilprogramme en avontuurklubs.